Því miður hafa rannsóknir sýnt fram á tengsl milli fóstureyðinga og ýmissa líkamlegra áhættuþátta. Við viljum þó benda á að ekki upplifa allar konur líkamleg vandamál í kjölfar fóstureyðinga, þó áhættan sé fyrir hendi. Okkur finnst mikilvægt að fræðsla fari fram um þessa áhættuþætti.

Allar heimildir sem vísað er í eru erlendar. Því miður tókst ekki að finna neinar íslenskar rannsóknir á þessu sviði.

Líkamlegir áhættuþættir

Rétt eins og með allar aðrar aðgerðir, þá er hætta á ýmsum fylgikvillum í kjölfar fóstureyðinga. Því fyrr sem aðgerðin fer fram á meðgöngu því minni hætta er á fylgikvillum. Rannsóknir hafa sýnt að u. þ. b. 10 % kvenna sem hafa farið í fóstureyðingu finna fyrir ýmis konar heilsufarsvandamálum strax að lokinni aðgerð. Þar af finna 2% strax fyrir alvarlegum líkamlegum heilsufarsvandamálum. Líkamlegar afleiðingar fóstureyðinga koma þó yfirleitt seinna í ljós, dögum, mánuðum eða jafnvel einhverjum árum seinna (Frank et. al., 1985, Freedman, 1986, og Grimes and Cates, 1986).

Leghálskrabbamein

Tengsl hafa fundist milli fóstureyðinga og leghálskrabbameins. Rannsóknir hafa sýnt fram á meiri líkur á leghálskrabbameini hjá konum sem eiga að baki fóstureyðingu miðað við konur sem ekki hafa farið í fóstureyðingu. Áhættan virðist aukast enn frekar hjá konum sem eiga að baki fleiri en eina fóstureyðingu (Parazzini, et al., 1989, Fujimoto, et al.,1985 og LaVecchia, et al.,1992).

Lífslíkur

Rannsókn sem gerð var í Finnlandi 1997 sýndi fram á að konur sem áttu ad baki fóstureyðingu voru fjórum sinnum líklegri til að deyja á næstu 12 mánuðum eftir fóstureyðinguna, miðað við konur sem kláruðu meðgönguna. (Gissler, et. al.1997). Hægt er ad nálgast umfjöllun um helstu niðurstöður þessarar athyglisverðu rannsóknar hér: http://afterabortion.org/2000/abortion-four-times-deadlier-than-childbirth/

Önnur nýleg langtímarannsókn sem gerð var í Danmörku sýndi svipaðar niðurstöður. Konur sem áttu að baki fóstureyðingu voru mun líklegri til að deyja, á næstu 25 árum, í samanburði við konur sem ekki áttu að baki fóstureyðingu. Hægt er að nálgast rannsóknina hér, http://eurpub.oxfordjournals.org/content/early/2012/09/05/eurpub.cks107.abstract.

Brjóstakrabbamein

Síðast en ekki síst hafa fundist tengsl milli brjóstakrabbameins og fóstureyðinga hjá konum. Í rannsóknargrein frá árinu 2009 þar sem skoðuð voru tengsl brjóstakrabbameins og getnaðarvarnarpillunnar kom t.d. fram að fóstureyðingar virðast auka hættuna á brjóstakrabbameini um 40%. Hægt er að nálgast greinina hér: http://cebp.aacrjournals.org/content/18/4/1157.abstract

Einnig sýndi rannsókn sem gerð var á meðal tyrkneskra kvenna árid 2009, rúmlega 60% aukna áhættu á brjóstakrabbameini hjá konum sem höfðu farið í fóstureyðingu. Hægt er að nálgast rannsóknina hér: http://www.wjso.com/content/7/1/37

Að lokum má nefna kínverska rannsókn frá árinu 2010, sem sýndi 17% aukna áhættu á brjóstakrabbameini hjá konum sem höfðu gengið í gegnum fóstureyðingu. Sjá nánar: http://www.wjso.com/content/7/1/37

Enn fremur er hægt að sjá lista hér yfir nokkur læknasamtök í heiminum, sem vara við þessum tengslum milli fóstureyðinga og brjóstakrabbameins hjá konum. Samtökin mælast til að heilbrigðisstarfsfólk upplýsi konur um þessa áhættu áður en þær taka ákvörðun um fóstureyðingu. http://www.abortionbreastcancer.com/medicalgroups/index.htm

Samtantekt

Í 1. mgr 12. gr. laga nr. 25/1975 segir orðrétt: "Áður en fóstureyðing má fara fram, er skylt að konan sem sækir um aðgerðina, hafi verið frædd um áhættu samfara aðgerðinni og hún hafi hlotið fræðslu um hvaða félagsleg aðstoð henni stendur til boða í þjóðfélaginu. Öll ráðgjöf og fræðsla skal veitt á óhlutdrægan hátt". Í ljósi þeirra niðurstaðna, að fóstureyðingar geti haft í för með sér alvarlegar heilsufarslegar afleiðingar, þá hlýtur að teljast mikilvægt að fræðsla fari fram um þá áhættu, áður en konur taka ákvörðun um að gangast undir fóstureyðingu."

Meðlimir Valkosta vita ekki til þess að konur eða karlar séu frædd um þessa áhættuþætti af heilbrigðisstarfsfólki áður en ákvörðunin um fóstureyðingu er tekin. Við teljum mikilvægt að þeirri fræðslu verði komið á.